რუსებმა დნეპროპეტროვსკის ოლქის ქალაქი ნიკოპოლი დაბომბეს, რის შედეგადაც სხვადასხვა ინფრასტრუქტურა დაზიანდა.
ინფორმაციას დნეპროპეტროვსკის რეგიონული სამხედრო ადმინისტრაციის ხელმძღვანელი სერგი ლისაკი Telegram-ზე ავრცელებს.
“დღეს აგრესორმა მძიმე არტილერია ნიკოპოლს დაარტყა. ქალაქს ათობით ჭურვი მოხვდა.
ხალხი არ დაშავებულა. სამწუხაროდ, არის ნგრევა.
დაზიანდა ოთხი კერძო სახლი. ფერმის ერთი შენობა დაინგრა, სამი კი განადგურდა. გატეხილია სამი ელექტროგადამცემი ხაზი” – წერს სერგი ლისაკი.
კომენტარები