სააგენტო Reuters -ის ინფორმაციით, იტალიაში აბრუცოს რეგიონში, სასტუმრო Ridzhopiano-ში ზვავის ჩამოწოლის შედეგად 30 ადამიანი დაიღუპა.
მაშველებმა დახმარება ერთ-ერთ მსხვერპლს აღმოუჩინეს, რომელიც ზვავის ჩამოწოლის დროს ოთახში იმყოფებოდა და ინციდენტის თვითმხილველი გახდა.
არსებული მონაცემებით, სამი ადამიანი დაკარგულად ითვლება. სხვა წყაროების ცნობით, სასტუმროს სტუმრებს შორის ბავშვებიც არიან.
როგორც ცნობილია იტალიის ცენტრალურ რეგიონში მომხდარი მიწისძვრის შედეგად 1 ადამიანი დაიღუპა.
18 იანვარს, იტალიის ცენტრალურ ნაწილში ორი ძლიერი მიწისძვრა მოხდა, რომელთა სიმძლავრემ 5,6 და 5,7 მაგნიტუდა შეადგინა. მიწისძვრის ეპიცენტრი რომიდან ჩრდილო-აღმოსავლეთით 108 კმ-ში დაფიქსირდა.
Associated Press-ის კორესპონდენტი ტრიშა ტომასი მიკრობლოგ “ტვიტერის” პირად გვერდზე წერს, რომ მიწისძვრის შედეგად იტალიის დედაქალაქის მეტროსა და სკოლებში მოსახლეობის ევაკუაცია განხორციელდა.
გამოცემა Corriere della Sera-ს ცნობით, უსაფრთხოების გამო ზოგიერთმა მუზეუმმა ფუნქციონირება დროებით შეწყვიტა.როგორც ადგილობრივი გაზეთი La Repubblica იტყობინება, შემთხვევა ადგილობრივი დროით დაახლოებით 10:25 საათზე მოხდა.