ვლადიმერ პუტინის მხარდამჭერი ქართველი მომღერლის, დიანა ღურწკაიას ქმარი, პიოტრ კუჩერენკო 46 წლის ასაკში გარდაიცვალა. ინფორმაციას რუსული მედია ავრცელებს.
კუჩერენკო, რომელიც რუსეთის განათლებისა და მეცნიერების განათლების მინისტრის მოადგილის თანამდებობაზე მუშაობდა, კუბაში საქმიანი ვიზიტით იმყოფებოდა, დაბრუნებისას კი გარდაიცვალა.
რუსული მედიის ინფორმაციით კუჩერენკოს გარდაცვალების შესახებ ოფიციალური ინფორმაცია გამოქვეყნებულია სამინისტროს ოფიციალურ გვერდზე “ტელეგრამში“.
პიოტრ კუჩერენკომ თვითმფრინავში, რომლითაც დელეგაცია ბრუნდებოდა, თავი ცუდად იგრძნო, რის გამოც თვითმფრინავი სხვა ადგილას დაეშვა იმისთვის რომ პიოტრისთვის დახმარება აღმოეჩინათ, მაგრამ მისი გადარჩენა ვერ მოხერხდა.
გარდაცვალების მიზეზს სამინისტროს პრესსამსახურში არ აკონრეტებენ.
პიოტ კუჩერენკო რუსეთის განათლებისა და მეცნიერების მინისტრის მოადგილედ 2021 წელს დაინიშნა.