გერმანიის კანცლერის თქმით, უკრაინაში საბრძოლო მოქმედებების შეჩერება მიუღებელია, რადგან ამ შემთხვევაში ომი გაყინულ, ხანგრძლივ კონფლიქტად გადაიქცევა და რუსეთს ოკუპირებული ტერიტორიების შენარჩუნების შესაძლებლობა მიეცემა. ამის შესახებ ოლაფ შოლცმა ტალინში გამართულ პრესკონფერენციაზე ისაუბრა.
„რუსეთმა უნდა გააცნობიეროს რომ ცივი მშვიდობის მიღწევას ვერ შეძლებს და ვერ დააწესებს უკრაინასთან საზღვარს ფრონტის ხაზზე დღეს არსებული მოცემულობის მიხედვით. ამით პუტინი მიტაცებულ ტერიტორიებს დაიკანონებს. საუბარი შეიძლება იყოს სამართლიან მშვიდობაზე, რომლის წინაპირობაც იქნება უკრაინიდან ჯარების გაყვანა“, – განაცხადა შოლცმა.
კომენტარები