დღეს ვაშინგტონში აშშ-ის არჩეული პრეზიდენტის დონალდ ტრამპის ინაუგურაცია გაიმართება. ის შეერთებული შტატების 45-ე პრეზიდენტი გახდება და ამით მოქმედ პრეზიდენტს ბარაკ ობამას უფლებამოსილება შეუწყდება.
ინაუგურაცია ადგილობრივი დროით დილის 10 საათზე გაიმართება, ხოლო 18 საათზე ვაშინგტონში სადღესასწაულო მეჯლისი ჩატარდება.
ინაუგურაციაზე ცნობილი ვარსკვლავები იმღერებენ, თუმცა ისეთმა მომღერლებმა, როგორებიცაა ბიონსე, შაკირა, მობი, ელტონ ჯონი, ბონ ჯოვი და U2 ინაუგურაციასთან დაკავშირებულ კონცერტში მონაწილეობაზე უარი განაცხადეს.
ასევე ტრამპის ინაუგურაციის პარალელურად ვაშინგტონში აშშ-ის არჩეული პრეზიდენტის წინააღმდეგ აქციები გაიმართება.
კომენტარები