უკრაინის თავდაცვის ძალებმა ღამის განმავლობაში რუსი სამხედროების მიერ ნასროლი 37 ფრთოსანი რაკეტა და 29 უპილოტო საფრენი აპარატი გაანადგურეს. უკრაინის არმიის საჰაერო ძალების ინფორმაციით, რუსეთის არმიამ იერიში მიიტანა სამხედრო ობიექტებსა და კრიტიკულ ინფრასტრუქტურაზე. საერთო ჯამში, რუსეთმა კასპიის ზღვის რაიონში ბაზირებული სტრატეგიული ბომბდამშენებიდან 40 ფრთოსანი რაკეტა ისროლა.
რუსეთმა უკრაინის დასახლებულ პუნქტებზე მორიგი შეტევა განახორციელა. გასულ ღამეს აფეთქებების ხმა ისმოდა ქვეყნის დედაქალაქში, გოლოსევსკის რაიონში. უკრაინული მედიის ინფორმაციით, კიევის რეგიონში საჰაერო თავდაცვის სისტემა აამოქმედეს. კიევის მერის, ვიტალი კლიჩკოს განცხადებით, საზენიტო სისტემებმა რუსული რაკეტები გაანეიტრალეს.
კომენტარები