უკრაინის პრეზიდენტი, ვოლოდიმირ ზელენსკი კიევში დიდი ბრიტანეთის საგარეო საქმეთა მინისტრს, ჯეიმს კლევერლის შეხვდა.
ზელენსკის თქმით, მან ბრიტანეთის საგარეო საქმეთა უწყების ხელმძღვანელთან სხვადასხვა საკითხი, მათ შორის ვილნიუსის NATO-ს სამიტთან დაკავშირებით უკრაინის მოლოდინები განიხილა.
“ჩვენ მადლიერი ვართ თქვენი დიდი მხარდაჭერის, რომელიც დიდმა ბრიტანეთმა გაუწია და უწევს უკრაინას”, – წერს ზელენსკი.
ზელენსკიმ კლევერლის მადლობა გადაუხადა დიდი ბრიტანეთის გადაწყვეტილების გამო, რომლის მიხედვითაც გაერთიანებული სამეფო საბრძოლო თვითმფრინავების გამოყენებისთვის, უკრაინელი მფრინავების გაწვრთნას დაიწყებს.
ამასთან, უკრაინის პრეზიდენტმა გაიხსენა, რომ ბოლო კვირებში მოლაპარაკებები გამართა დიდი ბრიტანეთის პრემიერმინისტრთან. სადაც ძალიან “მნიშვნელოვან შეთანხმებებს” მიაღწიეს.