პარლამენტის რეგიონული პოლიტიკისა და თვითმმართველობის კომიტეტის თავმჯდომარის პირველი მოადგილე, ირაკლი ზარქუა საქართველოსთვის კანდიდატის სტატუსის მინიჭებას ეხმაურება და ოპოზიციონერ კოლეგებს ულოცავს. მისი თქმით, მიუხედავად, ზოგიერთი ოპოზიციონერი დეპუტატის მცდელობისა, ქვეყანამ დამსახურებული სტატუსი მიიღო.
“დიახ, საქართველომ არა ცალ ფეხზე დგომით, არამედ ღირსებით, ჩვენი ეროვნული ინტერესების დაცვით გაიმარჯვა. მე მინდა განსაკუთრებით მივულოცო ქალბატონ სალომე სამადაშვილს, სალო გილოცავ, ჩვენ ეს შევძელით, მიუხედავად შენი მცდელობებისა, არ გამოგივიდა. სალო გილოცავ ჩემო კარგო და ყველა დანარჩენ შენნაირ ხელმოცარულებს. ჭიჭე [გიორგი ვაშაძე] შენც მოდი, შენც იზეიმე, იმიტომ, რომ შენთვისაც არის, შენი შვილებისთვისაც არის ეს გამარჯვება. მერე რაა რომ პოლიტიკაში ხელმოცარულები ხართ და “ლუზერების” პლატფორმის წევრი ხარ. ეს გამარჯვება ეკუთვნის ყველას,” – განაცხადა ირაკლი ზარქუამ.
ცნობისთვის, ევროპულმა საბჭომ საქართველოს კანდიდატის სტატუსი მიანიჭა. ამასთან, ევროპულმა საბჭომ უკრაინასთან და მოლდოვასთან ევროკავშირში გაწევრიანების შესახებ მოლაპარაკებების გახსნის გადაწყვეტილება მიიღო.