ახლო აღმოსავლეთში სამხედრო მოქმედებები აქტიურია. ისრაელის ავიაციის მიერ, ღაზის სექტორში, ჯაბალიას ლტოლვილთა ბანაკის დაბომბვას, სულ მცირე, 90 ადამიანი ემსხვერპლა. ამის შესახებ ინფორმაციას პალესტინის ჯანდაცვის სამინისტრო ავრცელებს.
ისრაელიდან ღაზის სექტორში ქერემ შალომის გზით ჰუმანიტარული ტვირთი პირველად შევიდა. აქამდე, დახმარება მხოლოდ რაფაჰის გამშვები პუნქტით შედიოდა, რომელიც ეგვიპტისა და ღაზის საზღვარზე მდებარეობს.
პარალელურად, ვრცელდება ინფორმაცია, რომ ისრაელის თავდაცვის ძალებმა ჩრდილოეთ ღაზის სექტორში “ჰამასის” უდიდესი, 4-კილომეტრიანი გვირაბი აღმოაჩინეს. გვირაბი 50 მეტრამდე სიღრმეზეა გაჭრილი, აღჭურვილია ელექტროენერგიით, ვენტილაციითა და საკომუნიკაციო სისტემებით. აღსანიშნავია, რომ გვირაბი საკმარისად განიერია იმისთვის, რომ დიდი ავტომობილიც გადაადგილდეს.