ლევან დავითაშვილმა მთავრობის ერთწლიანი მუშაობის ანგარიში შეაფასა, რომელიც დღეს პრემიერ-მინისტრმა წარადგინა. ამ თემაზე ვიცე-პრემიერმა, ეკონომიკისა და მდგრადი განვითარების მინისტრმა „ქრონიკაში“ ისაუბრა.
„ვფიქრობ, რომ საზოგადოებამ დღეს ძალიან საინტერესო ანგარიში მოისმინა მთავრობის მოღვაწეობის შესახებ, მათ შორის ეკონომიკაში პროგრესის შესახებ. რა თქმა უნდა, ეს უკავშირდება თანმიმდევრულ პოლიტიკას, რომელიც ჩვენს ხელისუფლებას წლების განმავლობაში აქვს. პირველ რიგში, ეს უკავშირდება იმას, რომ ჩვენს ქვეყანაში არის სტაბილურობა და სიმშვიდე. მშვიდობა და სტაბილურობა უმთავრესი ფაქტორებია, რომ ეკონომიკა ვითარდებოდეს. ასევე ბიზნესის ნდობა სახელმწიფოს მიმართ, იმიტომ რომ ჩვენთან ეკონომიკური გარემო პროგნოზირებადია. ადამიანებმა იციან, რომ მათ უფლებები არის დაცული“, – აღნიშნა დავითაშვილმა.