უკრაინის შეიარაღებული ძალების მთავარსარდალმა, ვალერი ზალუჟნიმ განაცხადა, რომ მის კაბინეტში მოსასმენი მოწყობილობის აღმოჩენას ზეწოლად არ აფასებს.
კითხვაზე, აფასებს თუ არა ის მის კაბინეტში მოსასმენი მოწყობილობის აღმოჩენას ზეწოლად, ზალუჟნიმ უპასუხა:
არა. როგორც ომს. გამოძიება დაადგენს, რა შეიძლება იყოს ეს.
“არა მგონია [სახელმწიფო საიდუმლოები გაჟღერებულიყო ამ კაბინეტში]. ეს ოთახი ადრეც იყო გამოყენებული, მაგრამ მნიშვნელოვანი პაუზა იყო. ასე რომ, მოწყობილობის დამონტაჟება მოხდა უკვე ჩემი შეხვედრის წინ”, – დასძინა მან.
17 დეკემბერს ინფორმაცია გავრცელდა, რომ უკრაინის შეიარაღებული ძალების მთავარსარდლის, ვალერი ზალუჟნისა და მისი ზოგიერთი თანამშრომლის კაბინეტებში აღმოაჩინეს მოსასმენი მოწყობილობები. ეს მთავარსარდლის ახალი კაბინეტი იყო, რომელიც მის გადასვლამდე წინასწარ შეამოწმეს.