საქართველოს პარლამენტის თავმჯდომარე შალვა პაპუაშვილი საქართველოს საჯარო მოხელეებს პროფესიულ დღეს ულოცავს.
როგორც პაპუაშვილი სოციალურ ქსელში წერს, საჯარო მოხელეებმა განსაკუთრებული მისია შეასრულეს საქართველოსთვის კანდიდატის სტატუსის მინიჭების პროცესში.
„მინდა, განსაკუთრებული პატივისცემით მოგმართოთ საქართველოს საჯარო მოხელეებს. დღეს თქვენი პროფესიული დღეა. ევროკავშირის კანდიდატად საქართველოს დასახელებამ მთელი ჩვენი ქვეყანა გაახარა. თქვენ განსაკუთრებული მისია შეასრულეთ ამ ისტორიული გადაწყვეტილების მიღწევაში. ამიტომ ხალხისა და პარლამენტისგან არა მარტო მილოცვას, არამედ დიდ და განსაკუთრებულ მადლობას იმსახურებთ. ჩვენი ევროპელი პარტნიორები განსაკუთრებული ხაზგასმით აღნიშნავენ საქართველოს საჯარო სამსახურის მაღალ პროფესიონალიზმს და სამოქალაქო პასუხისმგებლობას. ყოველი თქვენგანი არის საქართველოს მომავლის შემოქმედი, ჩვენი ქვეყნის წინსვლის ავტორი და სამშობლოს პატრიოტი. კიდევ ერთხელ, მადლობას გიხდით და დიდ სამომავლო გამარჯვებებს გისურვებთ“, – წერს შალვა პაპუაშვილი.