უკრაინის პრეზიდენტის, ვოლოდიმირ ზელენსკის მიმართ საზოგადოების ნდობა კლებას იწყებს მაშინ, როდესაც რუსეთის წინააღმდეგ ომი გრძელდება, – წერსამერიკული გამოცემა Newsweek-ი სტატიაში სათაურით ომის გაჭიანურების ფონზე ზელენსკი უკრაინელების ნდობას კარგავს.
როგორც ამერიკული გამოცემა Newsweek-ი წერს, კიევის სოციოლოგიის საერთაშორისო ინსტიტუტის მიერ ორშაბათს გამოქვეყნებული გამოკითხვის შედეგების თანახმად, გამოკითხულთა 62%-მა განაცხადა, რომ ენდობა ზელენსკის, ხოლო 18% არ ენდობა, თუმცა 2022 წლის დეკემბერში ჩატარებულმა იგივე გამოკითხვამ აჩვენა, რომ უკრაინის პრეზიდენტს გამოკითხულთა 84% ენდობოდა, რაც იმის ნიშანია, რომ მისი მხარდაჭერა კლებულობს.
გამოცემა Newsweek-ი აღნიშნავს, რომ გამოკითხვის შედეგები უკრაინის ხელისუფლების წარმომადგენლებს შორის ბოლოდროინდელი პოლიტიკური უთანხმოებების ფონზე გავრცელდა. კერძოდ, ზალუჟნიმ და ზელენსკიმ საჯაროდ გამოთქვეს უთანხმოება ომის მდგომარეობის შესახებ.
“თითქმის 22-თვიანმა კონფლიქტმა მძიმე დანაკარგები გამოიწვია ორივე მხარისთვის. თუმცა, არც ზელენსკიმ და არც პუტინმა არ განაცხადეს, რომ მზად არიან განიხილონ საბრძოლო მოქმედებების მშვიდობიანი დასრულება. უკრაინის საბრძოლო მხარდაჭერამ ასევე დაიწყო მერყეობა დასავლეთში, მათ შორის ვაშინგტონში, სადაც “რესპუბლიკელი” კანონმდებლები აგრძელებენ კიევისთვის დამატებითი დახმარების გაგზავნის დაბლოკვას, თუ არ იქნება მიღწეული შეთანხმება, რომელიც მოიცავს აშშ-ის საზღვრის უსაფრთხოების დაფინანსებას”, – ნათქვამია სტატიაში.