“მე თუ ვერ მივიღებ იმუნიტეტს, მაშინ თაღლითი ჯო ბაიდენიც ვერ მიიღებს იმუნიტეტს, ჯო მზად იყოს ბრალდებისთვის”

მე თუ ვერ მივიღებ იმუნიტეტს, მაშინ თაღლითი ჯო ბაიდენიც ვერ მიიღებს იმუნიტეტს, – ამის შესახებ აშშ-ის ექსპრეზიდენტი დონალდ ტრამპი თავის სოციალურ ქსელში „თრუსი“ წერს.

ტრამპის თქმით, მისი გაპრეზიდენტების შემთხვევაში, „ჯო მზად უნდა იყოს ბრალდებისთვის“.

„რა თქმა უნდა, მე, როგორც აშშ-ის პრეზიდენტსა და მთავარსარდალს, იმუნიტეტი მქონდა. მე არ ვაწარმოებდი წინასაარჩევნო კამპანიას, არჩევნები დიდი ხნის დასრულებული იყო. მე ვეძებდი ხმების გაყალბებას და ვიპოვე ის, რაც ჩემი ვალდებულება იყო. სხვა მხრივ, ვმართავდი ქვეყანას“, – წერს ტრამპი.

აშშ-ის 45-ე პრეზიდენტი დონალდ ტრამპი ვაშინგტონის სასამართლოში დღევანდელ პროცესს დაესწრო. სასამართლომ პროცესზე მხარეთა არგუმენტები მოისმინა. დონალდ ტრამპმა სასამართლო უკვე დატოვა.