ამერიკელ კანონმდებლებს სურთ, ზეწოლა მოახდინონ უნგრეთზე, რათა მხარი დაუჭიროს შვედეთის ნატო-ში გაწევრიანებას, – ინფორმაციას „როიტერი“ ავრცელებს.
როგორც „როიტერი“ წერს, ამერიკელმა კანონმდებლებმა განაცხადეს, რომ მათ სურთ, უნგრეთმა დაუყოვნებლივ დაამტკიცოს შვედეთის ნატო-ში გაწევრიანება, წინააღმდეგ შემთხვევაში ბუდაპეშტი საფრთხეს უქმნის ვაშინგტონთან ურთიერთობას.
აშშ-ის სენატის საგარეო ურთიერთობების კომიტეტის თავმჯდომარემ, ბენ კარდინმა აღნიშნა, რომ „ღრმად შეშფოთებულია“ უნგრეთის ამჟამინდელი მთავრობის მიმართულებით.
„პარტნიორები არ აკეთებენ ამას და მე კითხვა მიჩნდება, არიან თუ არა ისინი სანდო მოკავშირეები ჩვენი ვიზების გაუქმების პროგრამისთვის“, – განაცხადა კარდინმა პრესკონფერენციაზე.
ვიზაზე უარის თქმის პროგრამა საშუალებას აძლევს 41 ქვეყნის მოქალაქეებს, იმოგზაურონ აშშ-ში უვიზოდ 90 დღემდე.
„უნგრეთის უმოქმედობა რისკავს აშშ-სა და ნატო-სთან ურთიერთობის დაზიანებით“, – განაცხადეს სენატორებმა.
უნგრეთი ახლა ნატო-ს ერთადერთი წევრია, რომელმაც არ დააკმაყოფილა შვედეთის განაცხადი ალიანსში გაწევრიანების შესახებ.