ბიუჯეტში ასახულია ძირითადი პროგრამები და გეგმები, რაც მთავრობას შესასრულებელი აქვს 2024 წელს – ეს პროგრამა იქნება ბოლომდე შესრულებული, – ამის შესახებ საპროცედურო საკითხთა კომიტეტის თავმჯდომარემ, ირაკლი ქადაგიშვილმა განაცხადა.
„მიმდინარე წლის ბიუჯეტი არის მიღებული და მასში ასახულია ძირითადი პროგრამები და გეგმები, რაც მთავრობას შესასრულებელი აქვს 2024 წელს. აქედან გამომდინარე, ეს სამთავრობო პროგრამა იქნება ბოლომდე შესრულებული, იმიტომ რომ ეს იყო მიღებული ჩვენი გუნდის ერთობლივი გადაწყვეტილებით“, – აღნიშნა ქადაგიშვილმა.
სამთავრობო პროგრამა – „ევროპული სახელმწიფოს მშენებლობისთვის“ პარლამენტის ვებგვერდზე გამოქვეყნდა. როგორც დოკუმენტშია აღნიშნული, სამთავრობო პროგრამის მიზანია ეკონომიკის მეტად სტიმულირება, თითოეული მოქალაქისათვის სტაბილური და უსაფრთხო გარემოს შენარჩუნება, დემოკრატიული ინსტიტუციების გაძლიერება და საქართველოს ევროკავშირში გაწევრებისთვის საჭირო ქმედითი ნაბიჯების გადადგმა.