ნამიბიის პრეზიდენტი ჰეიგ გეინგობი 82 წლის ასაკში გარდაიცვალა. ქვეყნის ლიდერი დედაქალაქ ვინდჰუკში, ჰოსპიტალში იყო მოთავსებული, სადაც სამედიცინო დახმარებას იღებდა, – ამის შესახებ პრეზიდენტის X-ის ოფიციალურ ანგარიშზე გამოქვეყნდა.
გეინგობს იანვარში სიმსივნის დიაგნოზი დაუსვეს. მისი ოფისის ცნობით, ის გასულ ოთხშაბათს დაბრუნდა შეერთებული შტატებიდან სადაც გამოკვლევებს იტარებდა.
„მისი სამედიცინო გუნდი, როგორც ერს გუშინ ვაცნობე, ყველანაირად ცდილობდა ჩვენი პრეზიდენტის გამოჯანმრთელებას. სამწუხაროდ, მიუხედავად გუნდის სულიერი ძალისხმევისა მისი სიცოცხლის გადასარჩენად, თანამემამულე ნამიბიელებო, პრეზიდენტი გეინგობი გარდაიცვალა“, – ნათქვამია პრეზიდენტის მოვალეობის შემსრულებლის ნანგოლო მბუმბას განცხადებაში.
გეინგობი პრეზიდენტის პოსტს 2015 წლიდან იკავებდა და ამჟამად თანამდებობაზე მეორე ვადით იმყოფებოდა. ის ასევე იყო ქვეყნის პირველი პრემიერ-მინისტრი, ეს თანამდებობა მას 1990 წლიდან 2002 წლამდე ეკავა, ყოფილი პრეზიდენტის სემ ნუჯომას მმართველობისას, მას შემდეგ რაც ნამიბიამ სამხრეთ აფრიკისგან დამოუკიდებლობა მოიპოვა.