ღაზის სექტორში ცეცხლის შეწყვეტისა და პალესტინის ხელისუფლების დაბრუნების შესახებ საფრანგეთის საგარეო საქმეთა მინისტრმა ეგვიპტელ კოლეგასთან შეხვედრისას ისაუბრა. საფრანგეთის მთავარი დიპლომატი აცხადებს, რომ პარიზი ღაზის სექტორში ცეცხლის შეწყვეტის მომხრეა. შეხვედრაზე საუბარი ასევე შეეხო ღაზისთვის ჰუმანიტარული დახმარების მიწოდებას.
„ჩვენ ცეცხლის შეწყვეტის მომხრე ვართ, მაგრამ, ამასთან ერთად, უნდა მოვემზადოთ განახლებული მმართველობით ღაზაში პალესტინის ხელისუფლების დასაბრუნებლად. ქმედებები, რომლებიც დაიწყო სირიასა და ერაყში, ასევე სამხედრო ვითარება ლიბანის საზღვარზე – სიტუაციის გაუარესებასა და უფრო ფართო კონფლიქტისკენ სვლაზე მიუთითებს, რის თავიდან აცილებასაც ვცდილობთ ღაზაში ცეცხლის შეწყვეტისკენ მოწოდებით“, – განაცხადა საფრანგეთის საგარეო საქმეთა მინისტრმა.