ევროკომისია არ დაამატებს იმპორტის ახალ აკრძალვებს რუსეთის წინააღმდეგ სანქციების ახალ პაკეტში. ინფორმაციას ამის შესახებ სააგენტო Reuters-ი ევროპულ დიპლომატიურ წყაროებზე დაყრდნობით ავრცელებს.
როგორც სააგენტო Reuters-ი აღნიშნავს, ევროკომისიასა და ევროკავშირის წევრ ქვეყნებს სურთ სწრაფად მიიღონ ზომები 24 თებერვლამდე, რუსეთის მიერ უკრაინის წინააღმდეგ დაწყებული ომის მეორე წლისთავამდე.
მიუხედავად ევროკავშირის ზოგიერთი წევრი სახელმწიფოს მოწოდებისა, აიკრძალოს მეტი რუსული ექსპორტი, როგორიცაა ალუმინი, ევროკომისია შესთავაზებს პაკეტს, რომელიც მინიმალურ დებატებს გამოიწვევს წევრ ქვეყნებს შორის.
აღსანიშნავია, რომ ახალ პაკეტში შეიძლება გაფართოვდეს იმ რუსული კომპანიების სია, რომელთაც ევროკავშირის კომპანიებთან თანამშრომლობა ეკრძალებათ.
კომენტარები