აშშ-ის პრეზიდენტს, ჯო ბაიდენს, საფრანგეთის მოქმედი პრეზიდენტი, ემანუელ მაკრონი ფრანსუა მიტერანში აერია, რომელიც 1996 წელს გარდაიცვალა. ფრანსუა მიტერანი საფრანგეთს 1981-დან 1995 წლამდე მართავდა.
ლას-ვეგასში საარჩევნო კამპანიის შეხვედრაზე გამოსვლისას, 2021 წლის ივნისში „დიდი შვიდიანის“ სამიტზე საუბრის დროს, ბაიდენმა თქვა: „არჩევისთანავე მივედი „დიდი შვიდიანის“ შეხვედრაზე სამხრეთ ინგლისში. მე დავჯექი და ვთქვი: „ამერიკა დაბრუნდა!“ და მიტერანმა გერმანიიდან – ვგულისხმობ საფრანგეთს – შემომხედა და მითხრა: „რამდენი ხნით დაბრუნდი?“
გასული წლის ივნისში, აშშ-ის პრეზიდენტს უკრაინის და ერაყის ომები აერია ერთმანეთში, როდესაც თქვა, რომ რუსეთის პრეზიდენტი, ვლადიმერ პუტინი „აგებს ომს ერაყში“.
კომენტარები