გერმანიის კანცლერმა, ოლაფ შოლცმა განაცხადა, რომ რუსეთის გამარჯვება უკრაინაში არა მხოლოდ უკრაინის, როგორც თავისუფალი, დემოკრატიული და დამოუკიდებელი სახელმწიფოს დასასრული იქნება, არამედ მკვეთრადაც შეცვლის ევროპის სახეს.
ამერიკულ გაზეთ The Wall Street Journal-ში გამოქვეყნებულ სტატიაში გერმანიის კანცლერმა აღნიშნა, რომ რუსეთის გამარჯვება მძიმე დარტყმას მიაყენებს ლიბერალურ მსოფლიო წესრიგს, ხოლო რუსეთის სასტიკი მცდელობა, მიიტაცოს ტერიტორიები ძალის გამოყენებით, შეიძლება გახდეს გეგმა სხვა ავტორიტარული ლიდერებისთვის მთელ მსოფლიოში.
“ეს არის ის, რის გამოც აშშ და ევროპა მხარს უჭერენ უკრაინის თავისუფლებისთვის ბრძოლას”, – ხაზგასმით აღნიშნა ოლაფ შოლცმა.
“პუტინმა ჯერ ვერ მიაღწია თავის მიზნებს. მას ეგონა, რომ ორ კვირაში შეძლებდა უკრაინის დედაქალაქის [კიეგვის] აღება. ორი წლის შემდეგ ის ჯერ კიდევ შორს არის ამის მიღწევისგან და უკრაინა გაბედულად უძლებს რუსეთის შემოტევას”, – განაცხადა მან.
მისი თქმით, დასავლეთის გზავნილი მკაფიოა – “ჩვენ ყველაფერი უნდა გავაკეთოთ იმისათვის, რომ რუსეთმა არ გაიმარჯვოს”.
“თუ ასე არ მოხდება, მალე შეიძლება გავიღვიძოთ უფრო არასტაბილურ და არაპროგნოზირებად სამყაროში, ვიდრე ის ცივი ომის დროს იყო”, – დასძინა მან.