სწორი და დროული გადაწყვეტილებაა პრეზიდენტის მხრიდან. თუ გვინდა რომ ოქტომბერში ხელისუფლება შეიცვალოს, ამას ვერცერთი ოპოზიციური პარტია ცალკე ვერ შეძლებს, შესაბამისად რაღაც ერთობა საჭიროა, – ამის შესახებ პარტია „მოქალაქეების“ ლიდერმა, ალეკო ელისაშვილმა განაცხადა.
„არ მჯერა, რომ აქედან რამე გამოვა, რადგან ოპოზიციის ლიდერები ზედმეტად ამბიციურები და ამპარტავნები არიან“, – აღნიშნა ელისაშვილმა.
ერთიანობის პლატფორმა ევროპისთვის – სალომე ზურაბიშვილი თავისი ინიციატივის ფარგლებში ოპოზიციასთან შეხვედრებს განაგრძობს. ორბელიანების სასახლეს ამჯერად ნიკა მელია ესტუმრა. დღესვე დაგეგმილია პრეზიდენტის შეხვედრა „მოქალაქეებთან“ და „ევროპულ საქართველოსთან“. „ნაციონალური მოძრაობა“ შეხვედრაზე მისვლის მზაობას ადასტურებს, თუმცა თარიღი ჯერჯერობით უცნობია.
კომენტარები