უნგრელმა ფერმერებმა უკრაინის საზღვართან საპროტესტო აქცია გამართეს. ინფორმაციას ამის შესახებ უკრაინული მედია ავრცელებს.
უნგრელი ფერმერები აპროტესტებენ ევროკომისიის გადაწყვეტილებას უკრაინული პროდუქციის უბაჟო იმპორტის კიდევ ერთი წლით გახანგრძლივების შესახებ.
ტრაქტორები და სხვადასხვა სახის სასოფლო-სამეურნეო ტექნიკა უნგრეთ-უკრაინის საზღვართან ასობით მეტრზეა გადაჭიმული.
აქცია უნგრეთის ფერმერთა გაერთიანებებისა და ფერმერთა კოოპერატივების ასოციაციისა და სოფლის მეურნეობის ეროვნული პალატის ორგანიზებით გაიმართა.
უნგრელი ფერმერები ამტკიცებენ, რომ პროდუქტები, რომელიც ევროკავშირის გარედან შემოდის, უნდა ექვემდებარებოდეს იგივე წესებს, როგორც ევროკავშირის ფერმერებისთვის, და ბრიუსელმა უნდა დაიცვას საკუთარი ფერმერების ინტერესები.
კომენტარები