უკრაინის შეიარაღებულ ძალებში საკადრო ცვლილებები გრძელდება. პრეზიდენტმა ზელენსკიმ ახალი სარდლის, ალექსანდრ სირსკის მოადგილეებად ვადიმ სუხარევსკი და ანდრეი ლებედენკო დანიშნა. სუხარევსკი უპილოტო საფრენი აპარატების წარმოებას გააკონტროლებს, ლებედევი კი საბრძოლო სისტემების ტექნოლოგიურ კომპონენტზე აგებს პასუხს.
ახალი მოადგილეები ეყოლება გენერალური შტაბის უფროსსაც. პოსტებს გენერლები ვოლოდიმირ გორბატიუკი და ალექსეი შევჩენკო ჩაიბარებენ.
საკადრო ცვლილებები ზელენსკიმ უკრაინის არმიაში 8 თებერვალს დაიწყო. თანამდებობიდან მან შეიარაღებული ძალების სარდალი ვალერი ზალუჟნი და გენერალური შტაბის უფროსი სერგეი შაპტალა გაათავისუფლა.
კომენტარები