არჩევნებამდე გახარიას ყველა მესიჯი იქნება ერთი ქუდის ქვეშ და ეს ქუდი არის მიზანი, დავალება გახარიას მიმართ, რომ მან თავისი რადიკალური პოზიციებით რაც შეიძლება უნდა შეამციროს „ქართული ოცნების“ რეიტინგი, – ამის შესახებ ფრაქცია „ქართული ოცნების“ თავმჯდომარემ და პარტია „ქართული ოცნების“ აღმასრულებელმა მდივანმა, მამუკა მდინარაძემ ჟურნალისტებთან განაცხადა.
„ყველა მესიჯს რაც იყო და რაც მომავალში იქნება, ექნება მხოლოდ ერთი მიზანი – ვითომ ჩვენზე განაწყენებული ადამიანების ჯგუფი მიიმხრონ და უთხრან, რომ ესენი ასცდნენ იმ მიზნებს რასაც ჭეშმარიტი „ქართული ოცნება“ ისახავდა და აგერ ვართ ჩვენ უფრო რადიკალურები ამ მიმართულებითო. ეს დავალება აქვთ და ამ როლს ასრულებენ“, – აღნიშნა მამუკა მდინარაძემ.
კომენტარები