საქართველოს პარლამენტის ევროპასთან ინტეგრაციის კომიტეტის თავმჯდომარე, მაკა ბოჭორიშვილი დღეს ევროპარლამენტში დაგეგმილ კონფერენციაზე სიტყვით გამოვა და საქართველოს წინაშე არსებულ გამოწვევებზე ისაუბრებს. ევროპარლამენტში ევროკავშირში სტაბილურობის, ეკონომიკური კოორდინაციის, მმართველობის შესახებ საპარლამენტთაშორისო კონფერენცია წევრ ქვეყნებს და კანდიდატებს აერთიანებს. კონფერენციაზე საუბარი იქნება ეკონომიკურ მიმართულებებზე, ერთიან ბაზარზე და კოორდინირებულად მუშაობასთან ერთად გამოცდილების გაზიარებაზე.
საქართველო როგორც კანდიდატი ქვეყანა ღონისძიებაში პირველად მონაწილეობს და ეს შესაძლებლობაც ევროკავშირის სამიტზე გასული წლის დეკემბერში მიღებული გადაწყვეტილებიდან გამომდინარე მიეცა, როდესაც საქართველოს შესახებ სტატუსიs თაობაზე პოლიტიკური გადაწყვეტილება მიიღეს