მე არ მეგულება, ადამიანი, რომელიც თვლის, რომ თუ ოპოზიცია არ ჩაერთვება ამ პროცესში, რაიმე შეფერხება შეიძლება შეექმნას ამ 9 ნაბიჯის გადადგმას, – ამის შესახებ აგრარულ საკითხთა კომიტეტის თავმჯდომარემ, ნინო წილოსანმა განაცხადა.
„სრულიად რეტროგრადული და წარსულში ჩარჩენილი პოლიტიკური ძალები, რომლებიც თავიანთ პოლიტიკურ „აჯენდას“ გადააყოლებენ ქვეყნის ინტერესებს, პოლიტიკურად კიდევ უფრო ჩაირეცხებიან“, – აღნიშნა წილოსანმა.
პარლამენტი ევროკავშირის 9 პრიორიტეტზე მუშაობას განაგრძობს. მორიგი სამუშაო შეხვედრა მიმდინარე კვირას გაიმართება. შეხვედრაზე ყველა ის საკითხი განიხილება, რომლებიც 9 ნაბიჯიდან გამომდინარეობს და პარლამენტის კომპეტენციაშია.
9 პუნქტთან დაკავშირებით „ლელოს“ ოფიციალური ბოიკოტისგან განსხვავებით, სხვა პარტიები პროცესში სიმბოლურად ჩაერთნენ, თუმცა იმ მოტივით, რომ შედეგის არ სჯერათ.ოპოზიციას საკუთარი გეგმა სამუშაო ჯგუფისთვის ამ დრომდე არ წარმოუდგენია.
სახელისუფლებო პარტიაში ამბობენ, რომ მიუხედავად მათი ოპონენტების ქმედებებისა, პროცესს საფრთხე არ შეექმნება.