უკრაინამ მოუწოდა პოლონეთს, პასუხისგებაში მისცეს პოლონელი ფერმერები, რომლებმაც ორ ქვეყანას შორის საზღვარზე, იაჰოდინ-დოროჰუსკის საკონტროლო პუნქტზე სამი სატვირთო ავტომობილი გააჩერეს და უკრაინული მარცვლეული გზაზე დაყარეს.
„უკრაინული მარცვლეულის დაყრა მიუღებელია. ყველა ფერმერმა იცის, რამხელა შრომაა საჭირო მარცვლეულის მისაღებად, განსაკუთრებით ომის დროს. უკრაინულ-პოლონური მეგობრული ურთიერთობებიდან გამომდინარე, ამ პროვოკაციის შემსრულებლები პასუხისგებაში უნდა მიეცნენ“, – წერს X-ზე უკრაინის საგარეო საქმეთა მინისტრი დმიტრო კულება.
პოლონელი ფერმერები უკრაინიდან იაფფასიანი აგრარული პროდუქციის იმპორტს უკვე რამდენიმე დღეა აპროტესტებენ. აქციის მონაწილეების პოზიციას პოლონეთის პრემიერ-მინისტრიც იზიარებს.
კომენტარები