მთავრობის ადმინისტრაციამ ოფიციალურ ვებ-გვერდზე მთავრობის მეთაურის განკარგულებების გამოქვეყნება დაიწყო. ეს ინიციატივა ახლად დანიშნულ პრემიერ-მინისტრს, ირაკლი კობახიძეს ეკუთვნის, რომელმაც მთავრობის პირველივე სხდომაზე თქვა, რომ მთავრობის ყველა განკარგულება საჯარო უნდა გახდეს.
მთავრობის ადმინისტრაციის ვებ-გვერდზე უკვე გამოქვეყნებულია პრემიერ-მინისტრ ირაკლი კობახიძის ბრძანებები და განკარგულებები. ირაკლი კობახიძის პირველი ბრძანება 9 თებერვლით თარიღდება.
ირაკლი კობახიძის ინიციატივას გახარიას გუნდი გამოეხმაურა და ირაკლი კობახიძეს ყველა განკარგულების გამოქვეყნება სთხოვა, მათ შორის წინა პრემიერების პერიოდის, თუმცა გაირკვა, რომ განკარგულებების გამოქვეყნება სწორედ გიორგი გახარიას პრემიერობის პერიოდში შეწყდა.
კომენტარები