ეს ნამდვილად მნიშვნელოვანი გზავნილია, თუ რა მნიშვნელობა აქვს საქართველოსთვის ევროკავშირთან ურთიერთობს და რა არის ევროკავშირი საქართველოსთვის, ამის შესახებ პარლამენტის ევროპასთან ინტეგრაციის კომიტეტის თავმჯდომარე, მაკა ბოჭორიშვილმა „ქრონიკაში“ განაცხადა. კითხვა პრემიერ-მინისტრის რანგში ირაკლი კობახიძის ბრიუსელში პირველ ვიზიტს ეხებოდა.
„ეს არის სწორედ ამის დადასტურება, რა ყურადღებასაც ჩვენ ვაქცევთ ევროკავშირთან ურთიერთობებს. ვფიქრობ, რომ ეს იქნება ძალიან კარგი შესაძლებლობა უმაღლეს დონეზე, საქართველოს პრემიერ-მინისტრს ჰქონდეს შეხვედრები და განხილვები იმ საკითხებთან დაკავშირებით, რაც მნიშვნელოვანია საქართველოს ევროკავშირში გაწევრიანების გზაზე და ინტეგრაციის პროცესის დასაჩქარებლად. ვფიქრობ, ეს ნამდვილად პოზიტიური გზავნილია ევროკავშირისთვისაც, ვინაიდან აშკარად ადასტურებს ღიაობას საქართველოს ხელისუფლების მხრიდან, პირადად პრემიერის მხრიდან, რომ ჩაერთოს ამ პროცესებში, უკვე პრემიერ-მინისტრის პოზიციიდან“, -აღნიშნა ბოჭორიშვილმა.