რეჟისორ ლევან კოღუაშვილის მხატვრული ფილმი „მეოთხე ბრაიტონი“ 8 თებერვლიდან იტალიურ კინო გაქირავებაში გამოვიდა. ფილმს იტალიის სხვადასხვა ქალაქის 30 ეკრანზე აჩვენებენ.
იტალიის რამდენიმე ქალაქში ფილმი თავად რეჟისორმა და ამერიკიდან ჩამოსულა ქართველმა მსახიობებმა ცუცა კაპანაძემ და ირმა გაჩეჩილაძემ წარადგინეს.
„მეოთხე ბრაიტონის“ იტალიურ კინოგაქირავებაში გამოსვლა ფართოდ გააშუქეს წამყვანმა იტალიურმა გაზეთებმა და ტელეკომპანიებმა. „რაი უნოს“ კინოგანხილვაში ცნობილმა იტალიელმა კინოკრიტიკოსმა ვალერიო კაპრარამ „მეოთხე ბრაიტონი“ გაქირავებაში მყოფ კვირის საუკეთესო ფილმად დაასახელა.
14 თებერვალს ფილმს ნეაპოლის კინოთეატრ „მეტროპოლიტენში“ აჩვენებენ და ამ ჩვენებას ხვიჩა კვარაცხელია დაესწრება.
ამონარიდები პრესიდან.
ლა რეპუბლიკა
„რომისა, ტურინისა, მილანის და ბოლონიის შემდეგ რეჟისორი ლევან კოღუაშვილი დაასრულებს თავის იტალიურ ტურნეს ნეაპოლში, სადაც 14 თებერვალს ნაჩვენები იქნება მისი მხატვრული ფილმი მეოთხე ბრაიტონი“.
ილ მატინო
„ნაპოლის“ ვარსკვლავი ხვიჩა კვარაცხელია დაესწრება ლევან კოღუაშვილი ფილმის ნეაპოლურ პრემიერას 14 თებერვალს კინოთეატრ მეტროპოლიტანში”.
კორიერა დელა სერა
„ერთდროულად ძლიერი და ტრაგიკომიკური „მეოთხე ბრაიტონი“ არის ისტორია რომელსაც ემოციურად ჰყვება კოღუაშვილი. მისი შთაგონების წყარო ჩვენი (იტალიური) ნეორეალიზმის ოსტატები და ვიტორიო დე სიკა არიან. მეოთხე ბრაიტონს ტრაიბეკას კინოფესტივალზე სამი მთავარი პრიზი აქვს მოპოვებული. იგი ასევე იყო საქართველოს კანდიდატის ფილმი ოსკარზე. ისვე როგორც მისი სადებიუტო ნამუშევარი “ქუჩის დღეები”, რომელიც ბევრი კრიტიკოსის შეფასებით თანამედროვე ახალი ქართული ტალღის დასაწყისი იყო.
დაუღალავი კოღუაშვილი ამჟამად ახალ მხატვრულ ფილმზე მუშაობს – სახელწოდებით „გურია“, რომელიც დასავლეთ საქართველოში მყოფი რეგიონის დასახელებაა. ეს არის ისტორია რომელიც 1990-იან წლებში ვითარდება და ასახავს ხალხის ცხოვრებას, რომლებიც საბჭოთა კავშირის დაშლის შედეგად წარმოქმნილ სირთულეებს იუმორით და ნიჭიერებით უმკლავდებიან”.
გლობალისტი
…როგორი ძლიერია და ღრმა ნეორეალიზმის ფესვები ყველგან. ეს დაამოწმა ლევან კოღუაშვილმა, როდესაც წარადგინა თავისი ფილმი “მეოთხე ბრაიტონ’ რომის სინემა ტიციანოში. კოღუაშვილი გვიყვება თბილისიდან წასულ ემიგრანტებზე და ჩვენ იტალიელები ვპოულობთ საკუთარ თავს და ვუბრუნდებით ჩვენს დიდ ფილმებს, რომლებიც ასევე გვიყვებოდნენ კაცებსა და ქალებზე, რომლებიც იძულებულები არიან დატოვონ საკუთარი მიწა. გუშინ ჩვენ ავდიოდით მატარებელზე რომ წავსულიყავით მდიდარ ჩრდილოეთში, როგორც ეს ლუკინო ვისკონტის “როკო და მის ძმებშია”. დღეს სხვისი ჯერია, სხვა სამხრეთებიდან მიდიან, უდაბნოებისა და ზღვის გავლით, მიდიან ისე რომ სიცოცხლესა და სიკვდილს შორის ზღვარი თითქმის უხილავი ხდება.
აპლოდისმენტები კომპანიის Invisible Carpets, რომელსაც ეყო გამბედაობა, რომ რომ ლევან კოღუაშვილი ლამაზი ფილმი იტალიის გაქირავებაში გამოეშვა. ფილმის პრემიერას თვით სან-რემოს ფესტივალმაც ვერ შეუშალა ხელი”.