“რომან გოცირიძე გულწრფელი კაცია და პირდაპირ ამბობს ხოლმე, რეალობა რაც არის. ჩვენ ვამბობდით, რომ ე.წ. პრეზიდენტი სალომე ზურაბიშვილი დიდი ხანია, რადიკალების გზას დაადგა და ამ ხელმოცარულებს ჩაუდგა სათავეში”, – ამის შესახებ მმართველი გუნდის წევრმა, ირაკლი ზარქუამ რომან გოცირიძის განცხადებაზე საუბრისას “ქრონიკასთან” აღნიშნა.
მისივე თქმით, ზურაბიშვილი რევოლუციურ შტაბს სათავეში ჩაუდგა.
„ჩვენ ვამბობდით, რომ ე.წ. პრეზიდენტი სალომე ზურაბიშვილი დიდი ხანია, რადიკალების გზას დაადგა და ამ ხელმოცარულებს ჩაუდგა სათავეში. ბოლოს უკვე მოუწოდა კიდეც, ჩემი ფრთის ქვეშ გაერთიანდითო. როგორც ახლა წინასწარმეტყველებენ, ის არ აპირებს პენსიაზე გასვლას, სათავეში ჩაუდგება რევოლუციურ შტაბს და დეკემბრიდან აქ დაიწყება მღელვარება. ეს სცენარი ხომ ნანახი გვაქვს? ქართული საზოგადოება და სახელმწიფო ინსტიტუტები მზად ვართ, რომ წინ აღვუდგეთ, როგორც აქამდე არაერთხელ გაგვიკეთებია, ამ მავნებლობას ჩვენი სახელმწიფოს წინააღმდეგ“, – აღნიშნა ზარქუამ.
ცნობისთვის, ოპოზიციონერმა პოლიტიკოსმა, რომან გოცირიძემ განაცხადა: “სალომე ზურაბიშვილის აქტიურობა ოპოზიციის წისქვილზე ასხამს წყალს… ხელს უწყობს ოპოზიციის გააქტიურებას. სალომე ზურაბიშვილი რეალურად ოპოზიციის დამხმარედ გვევლინება, რადგან „ქართული ოცნების“ კრიტიკის შემდეგ მიაჩნია, რომ უნდა შეიცვალოს ეს ხელისუფლება ოპოზიციის მიერ”.