უკრაინის პრეზიდენტი მადლობას უხდის თავდაცვის ძალებს შავ ზღვაში რუსული სადესანტო ხომალდის განადგურებისთვის. საგანგებო განცხადება მან ღამის ტრადიციული ვიდეომიმართვისას გააკეთა.
„დღეს ჩვენ შავ ზღვაში უსაფრთხოების დონე გავზარდეთ და ხალხს მეტი მოტივაცია მივეცით. ჩვენ შავ ზღვას ეტაპობრივად გავწმენდთ რუსული ტერორისტული ობიექტებისგან“, – განაცხადა ზელენსკიმ.
სადესანტო გემ „ცეზარ კუნიკოვის“ განადგურების შესახებ ინფორმაცია უკრაინის დაზვერვის მთავარმა სამმართველომ გუშინ გაავრცელა. უკრაინული მხარის მტკიცებით, ხომალდის ეკიპაჟის დიდი ნაწილი დაიღუპა.
კომენტარები