ინდოეთის დედაქალაქ ნიუ დელის ჩრდილოეთ ნაწილში მდებარე საღებავების ქარხანაში აფეთქება მოხდა, რის შედეგადაც დაიღუპა, სულ მცირე, 11 და დაშავებულია ოთხი ადამიანი, – ინფორმაციას „როიტერი“ ავრცელებს.
შემთხვევა ადგილობრივი დროით 17:25 საათზე მოხდა.
„იყო აფეთქება, რის შედეგადაც შენობა დაინგრა, მუშები ამ დრომდე ნანგრევების ქვეშ არიან. ხანძარი სწრაფად გავრცელდა მიმდებარე შენობებსა და მაღაზიებზე“, – განაცხადა სახანძრო სამსახურის ხელმძღვანელმა, ატულ გარგმა.
აფეთქების გამომწვევი მიზეზი ჯერჯერობით უცნობია. ადგილზე ამ დრომდე მიმდინარეობს სამძებრო-სამაშველო ოპერაცია.
კომენტარები