ბრიტანეთის პრემიერ-მინისტრი რიში სუნაკი რუსი ოპოზიციონერის, ალექსეი ნავალნის გარდაცვალებას ეხმაურება.
როგორც სუნაკი „ტვიტერის“ გვერდზე წერს, ალექსეი ნავალნიმ წარმოუდგენელი გამბედაობა გამოიჩინა.
„ეს საშინელი ამბავია. ალექსეი ნავალნიმ, როგორც რუსული დემოკრატიის ყველაზე ძლიერმა დამცველმა, წარმოუდგენელი გამბედაობა გამოიჩინა მთელი სიცოცხლის განმავლობაში. ჩემი ფიქრები მის მეუღლესთან და რუსეთის მოსახლეობასთანაა, ვისთვისაც ეს უდიდესი ტრაგედიაა“, – წერს რიში სუნაკი.
რუსეთის სასჯელაღსრულების ფედერალურმა სამსახურმა ალექსეი ნავალნის გარდაცვალების შესახებ გაავრცელა ინფორმაცია. ალექსი ნავალნი 47 წლის იყო. ალექსეი ნავალნი 2021 წლის იანვარში დააპატიმრეს. ოპოზიციონერი პოლიტიკოსი ბოლო დროს მკაცრი რეჟიმის კოლონიაში, იამალ-ნენთა ავტონომიურ ოლქში იხდიდა სასჯელს. სოფელი ხარპი, სადაც კოლონიაა განთავსებული, ციმბირის ჩრდილოეთ ნაწილში მდებარეობს.