შეძრწუნებული ვარ სახაროვის პრემიის ლაურეატის, ალექსეი ნავალნის გარდაცვალებით. რუსეთმა წაართვა მას თავისუფლება და სიცოცხლე, მაგრამ ვერ წაართვა ღირსება, – ამის შესახებ X-ზე ევროპარლამენტის პრეზიდენტი რობერტა მეცოლა წერს.
„მსოფლიომ დაკარგა მებრძოლი, რომლის გამბედაობაც თაობების განმავლობაში იპოვის გამოძახილს. შეძრწუნებული ვარ სახაროვის პრემიის ლაურეატის, ალექსეი ნავალნის გარდაცვალებით. რუსეთმა წაართვა მას თავისუფლება და სიცოცხლე, მაგრამ ვერ წაართვა ღირსება. დემოკრატიისთვის მისი ბრძოლა გრძელდება. ჩემი ფიქრები მის ცოლ-შვილთანაა“, – წერს მეცოლა.
რუსი ოპოზიციონერი, ალექსეი ნავალნი სასჯელაღსრულების დაწესებულებაში გარდაიცვალა. ის 47 წლის იყო. რუსეთის ფედერალური სასჯელაღსრულების სამსახურის ცნობით, 16 თებერვალს, ნავალნი სეირნობის შემდეგ ცუდად გახდა, რის შემდეგაც მან გონება დაკარგა. უწყების განმარტებით, მედიკოსებმა მას ყველა საჭირო პროცედურა ჩაუტარეს, თუმცა უშედეგოდ