საფრანგეთი უკრაინას 2024 წელს 3 მილიარდი ევროს სამხედრო დახმარებას გამოუყოფს. ამის შესახებ საფრანგეთის პრეზიდენტმა, ემანუელ მაკრონმა უკრაინელ კოლეგასთან შეხვედრაზე განაცხადა.
უკრაინისა და საფრანგეთის პრეზიდენტებმა ხელი მოაწერეს საფრანგეთსა და უკრაინას შორის უსაფრთხოების სფეროში ორმხრივ შეთანხმებას.
“პარიზსა და კიევს შორის უსაფრთხოების შესახებ შეთანხმებას ხელი მოეწერა ათი წლის ვადით და ძალაში იქნება მანამ, სანამ უკრაინა ნატოს წევრი არ გახდება”, – აღნიშნა საფრანგეთის პრეზიდენტმა.
“უკრაინის დახმარებით ჩვენ ინვესტიციას ვდებთ ჩვენს უსაფრთხოებაში. ამით ჩვენ ვიცავთ უკრაინას, მაგრამ იმასაც, რაც გვაკავშირებს, ერთი და იგივე ღირებულებების დაცვა”, – დასძინა ემანუელ მაკრონმა.
კომენტარები