გურიის სატყეო სამსახურის თანამშრომლებმა, ჩოხატაურის მუნიციპალიტეტის სოფელ სურებში, დაურეგისტრირებელ სახერხ საამქროსა და უკანონოდ მოპოვებულ, ფოთლოვანი სახეობის ხე-ტყეს მიაკვლიეს.
კანონდამრღვევმა, უკანონოდ მოპოვებული ხე-ტყის მასალა დასამუშავებლად, სახერხ საამქროში სატვირთო მანქანით გადაიტანა. საამქროს ტერიტორიაზე ასევე აღმოჩენილია პირველადი გადამუშავების პროდუქტი (ფიცარი).
დაურეგისტრირებელი სახერხი საამქრო და სატვირთო ავტომობილი დაილუქა. ვინაიდან, საქმე შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შინაგან საქმეთა სამინისტროში გადაიგზავნა.
კომენტარები