როგორი იქნება თელავის ახალი აეროპორტი – ფოტოებს Facebook-ზე ეკონომიკის მინისტრის მოადგილე მარიამ ქვრივიშვილი ავრცელებს.
„თელავის აეროპორტის განვითარების პროექტი იწყება:
- აშენდება ახალი ტერმინალი – 200,000 მგზავრზე მეტი გამტარუნარიანობით
- სრულად განახლდება და დაგრძელდება ასაფრენ-დასაფრენი ზოლი 1,7 კმ-მდე
- მოეწყობა თანამედროვე სანავიგაციო სისტემები
- აშენდება ახალი სანავიგაციო კოშკურა
თელავის აეროპორტი მიიღებს შიდა ფრენებს ბათუმიდან, ქუთაისიდან, ამბროლაურიდან და მესტიიდან, რაც ხელს შეუწყობს შიდა და საერთაშორისო მოგზაურების მობილობის გაზრდას რეგიონებს შორის და მეტ ეკონომიკურ სარგებელს მოუტანს კახეთის რეგიონს.
ტერმინალის არქიტექტურულ კონკურსში, რომელიც 13 კომპანია მონაწილეობდა, შპს ,,ხმალაძე არქიტექტორებმა” გაიმარჯვა“, – წერს მარიამ ქვრივიშვილი.
კომენტარები