“აღვირახსნილი ტირანიის ფასი ახალგაზრდებისა და მამაცების სისხლია”

ნორმანდიაში მოკავშირეების ძალების გადასხმის 80 წლისთავისადმი მიძღვნილ ღონისძიებაზე სიტყვით გამოსვლისას აშშ-ის პრეზიდენტმა, ჯო ბაიდენმა განაცხადა, რომ აღვირახსნილი ტირანიის ფასი ახალგაზრდებისა და მამაცების სისხლია.

„უკრაინელები არაჩვეულებრივი გამბედაობით იბრძვიან, დიდ დანაკარგებს განიცდიან, მაგრამ უკან არასდროს იხევენ“, – აღნიშნა აშშ-ის პრეზიდენტმა.

ჯო ბაიდენმა ასევე ისაუბრა დემოკრატიაზე და აღნიშნა, რომ დემოკრატია არ არის გარანტირებული.

„დემოკრატია არ არის გარანტირებული. ყველა თაობამ უნდა შეინარჩუნოს იგი, დაიცვას და იბრძოლოს მისთვის“, – დასძინა აშშ-ის პრეზიდენტმა.