„თავისუფლების მოედანს“ ძალიან ეშლება სიტყვა თავისუფლება, – განაცხადა ჟურნალისტებთან საუბრისას პარლამენტის დიასპორისა და კავკასიის საკითხთა კომიტეტის თავმჯდომარემ ბექა ოდიშარიამ.
მისივე თქმით, სრული უფლება აქვს „თავისუფლების მოედანს“ უწოდოს „ფეიკ” პლატფორმა, ვინაიდან ის არის არასამთავრობო ორგანიზაცია, „ენჯეო“, რომელიც უცხო ქვეყნიდან ფინანსდება, ფულს კი პოლიტიკურ პლატფორმას ახმარს.
„ამ ფულს ახმარს პოლიტიკურ პლატფორმას, რომელიც ახლად შეიქმნა „ლელოსგან“ და კიდევ რამდენიმე კერძო სუბიექტისგან. „თავისუფლების მოედანს“ ძალიან ეშლება სიტყვა თავისუფლება. ეს სიტყვა არ ნიშნავს უკანონობას და ზღვარგადასულ უკანონო ქცევას. სწორედ ასეთია ქცევა, როდესაც შენ ფინანსდები უცხოური დონორისაგან, როგორც „ენჯეო“, გაქვს რაღაც სხვადასხვა შინაარსის პროექტები და სინამდვილეში, ამ ფულს ახმარ ამ ქვეყნის ოპოზიციაში მდგომ პოლიტიკურ პარტიებს“, – აღნიშნა ბექა ოდიშარიამ.