ახლა მთავარ ეტაპზე ვართ, როდესაც ქალაქმა 70 ავტობუსი დამატებით შეიძინა. შევათანხმეთ ახალი მიმართულებები და მარშრუტები. ძალიან ვცდილობთ, რომ ნებისმიერ მოქალაქეზე მორგებული ინფრასტრუქტურა და ტრანსპორტი გვქონდეს, – განაცხადა რუსთავის მერმა ნინო ლაცაბიძემ „დღის ქრონიკასთან“.
„ვიდრე ოპოზიციური პარტიები ჩამოყალიბდებიან ვისთან გაერთიანდნენ და ვისთან – არა, ჩვენ საქმის კეთებას ვაგრძელებთ და მართლაც, ეს დიდი გამოწვევა ათასობით რუსთაველს აწუხებდა. იმ ადამიანებს, რომლებიც ყოველდღე მგზავრობდნენ რუსთავიდან დედაქალაქის მიმართულებით. საუბარია ათასობით რუსთაველზე. ბოლო სტატისტიკით ყოველდღიურად 30 000 რუსთაველი ტოვებს ქალაქს და საღამოს ბრუნდება. ჩვენ მოსახლეობასთან ძალიან ხშირი კომუნიკაცია გვაქვს და მათი წუხილი იყო სწორედ არაკომფორტული სატრანსპორტო საშუალებები. ჩვენ მათ დავპირდით, რომ შევძლებდით თანამედროვე ევროპული ტრანსპორტის შეძენას. ახლა მთავარ ეტაპზე ვართ, როდესაც ქალაქმა 70 ავტობუსი დამატებით შეიძინა. შევათანხმეთ ახალი მიმართულებები და მარშრუტები. ძალიან ვცდილობთ, რომ ნებისმიერ მოქალაქეზე მორგებული ინფრასტრუქტურა და ტრანსპორტი გვქონდეს.
პირველი ეტაპი გავიარეთ, რაც გულისხმობდა შიდა სატრანსპორტო სისტემის გაჯანსაღება-განახლებას და 40 ერთეული თანამედროვე, ევროპული სტანდარტის ავტობუსი გადაადგილდება დღეს რუსთავში. არის თანამედროვე საბარათე გადახდის სისტემები, არის ყველა იმ სისტემით აღჭურვილი რაც ამარტივებს მოქალაქეებისთვის სატრანსპორტო საშუალებების გამარტივებას. 60 000 რუსთაველი სარგებლობს სატრანსპორტო შეღავათებით. მეორე ეტაპი დაგეგმილი გვქონდა რუსთავი-თბილისის ავტობანის მიმართულებით. რუსთავი-თბილისის დამაკავშირებელი ავტობანის საკითხზეც მუშაობს საპარლამენტო გუნდი სამთავრობო გუნდთან ერთად, რომ საგზაო ინფრასტრუქტურამაც შეამციროს ის დრო, რაც რუსთავი-თბილისის მიმართულებით გვჭირდება. სწორედ ის მიმართულებები, რომელიც ჩვენ შევიმუშავეთ, გულისხმობს ბასლაინების გამოყენებას და რუსთავის ავტობუსები ივლიან ბასლაინებში, რაც ჩვენთვის ძალიან დიდი კომფორტია“, – განაცხადა ლაცაბიძემ.