უკრაინის პრეზიდენტმა ვოლოდიმირ ზელენსკიმ ამერიკულ ტელეარხ ABC News-თან საუბარში აღნიშნა, რომ ქვეყანაში ომის დასარული უფრო ახლოსაა, ვიდრე ეს რეალურად ჩანს.
„მე მგონია, რომ ჩვენ მშვიდობასთან მეტად ახლოს ვართ, ვიდრე გვგონია. ჩვენ ომის დასრულებასთან ახლოს ვართ“, – განაცხადა მან.
ამავე დროს ზელენსკიმ მოკავშირეებს უკრაინის ჯარის გაძლიერებისკენ მოუწოდა. „გამარჯვების გეგმა უკრაინის გაძლიერებაა. ამიტომ, ჩვენ ვთხოვთ ჩვენს მეგობრებს, მოკავშირეებს, გაგვაძლიერონ. ეს ძალიან მნიშვნელოვანია“, – დასძინა ზელენსკიმ.
უკრაინის პრეზიდენტის მტკიცებით, რუსეთის პრეზიდენტს ვლადიმერ პუტინს კურსკის ოპერაციის ეშინია. „ეს მართალია. მას [პუტინს] ძალიან ეშინია. რატომ? იმიტომ რომ, მისმა ხალხმა დაინახა, რომ მას მათი დაცვა არ შეუძლია. მას საკუთარი ტერიტორიის დაცვა არ შეუძლია“, – თქვა მან.
ზელენსკი დარწმუნებულია, რომ უკრაინას „ძლიერის პოზიციიდან“ შეუძლია აიძულოს პუტინს ომი შეწყვიტოს.