სამხრეთ აფრიკაში, მპუმალანგას პროვინციაში, მიტოვებულ მაღაროში სამაშველო ოპერაცია ჩაატარეს. როგორც BBC წერს, მაშველებმა 150-ზე მეტი არალეგალი მაღაროელი გადაარჩინეს.
გავრცელებული ინფორმაციით, გადარჩენილთა უმეტესობა უცხო ქვეყნების მოქალაქეები არიან. ისინი აცხადებენ, რომ საშიშ პირობებში ოქროს თავიანთი ნების საწინააღმდეგოდ ეძებდნენ. პოლიციის სპიკერის თქმით, მაღაროელები დააკავეს და გამოძიება უკანონო სამთო საქმიანობის ფაქტებზე მიმდინარეობს.
სამართალდამცველების თქმით, მიიღეს ინფორმაცია სამთო რეგიონებში ადამიანებით ვაჭრობისა და იძულებითი შრომის ფაქტების შესახებ.
არალეგალური სამთო მოპოვება სამხრეთ აფრიკაში ფართოდ არის გავრცელებული, რაც ადგილობრივ ეკონომიკას დიდ ზიანს აყენებს.
კომენტარები