ნატოს გენერალურმა მდივანმა, მარკ რუტემ განაცხადა, რომ უკრაინის პრეზიდენტმა, ვოლოდიმირ ზელენსკიმ უნდა შეწყვიტოს გერმანიის კანცლერის, ოლაფ შოლცის მიმართ უსამართლო კრიტიკა.
„მე ხშირად ვეუბნებოდი ზელენსკის, რომ მან უნდა შეწყვიტოს ოლაფ შოლცის კრიტიკა, რადგან ვფიქრობ, რომ ეს უსამართლოა“, – აღნიშნა ნატოს გენერალურმა მდივანმა გერმანული საინფორმაციო სააგენტო DPA-სთან ინტერვიუში.
რუტემ აღნიშნა, რომ შოლცისგან განსხვავებით, ის მხარს უჭერს უკრაინისათვის Taurus-ის რაკეტების მიწოდებას.
„ზოგადად, ჩვენ ვიცით, რომ ასეთი შესაძლებლობები ძალიან მნიშვნელოვანია უკრაინისთვის“, – განაცხადა მან და დასძინა, რომ მისი გადასაწყვეტი არ არის, კონკრეტულად რა უნდა მიაწოდონ მოკავშირეებმა უკრაინას.
კომენტარები