აშშ-ის პრეზიდენტმა, ჯო ბაიდენმა სიკვდილმისჯილ 37 პატიმარს სასჯელი სამუდამო პატიმრობით შეუცვალა. ინფორმაციას ამის შესახებ ამერიკული მედია ავრცელებს.
თეთრი სახლის მიერ გავრცელებულ განცხადებაში აღნიშნულია, რომ პრეზიდენტს მიაჩნია, რომ ამერიკამ უნდა შეწყვიტოს სიკვდილით დასჯის პრაქტიკის გამოყენება ფედერალურ დონეზე, ტერორიზმისა და სიძულვილით მოტივირებული მასობრივი მკვლელობების შემთხვევების გარდა.
„როდესაც პრეზიდენტი ბაიდენი ხელისუფლებაში მოვიდა, მისმა ადმინისტრაციამ დააწესა მორატორიუმი ფედერალურ დონეზე სიკვდილით დასჯაზე და მისი დღევანდელი ქმედება ხელს შეუშლის მომავალ ადმინისტრაციას განახორციელოს სიკვდილით დასჯა“, – ნათქვამია განცხადებაში.
კომენტარები