ისრაელის თავდაცვის სამინისტროს ხელმძღვანელმა, ისრაელ კაცმა პირველად აღიარა, რომ თეირანში, პალესტინის მოძრაობის „ჰამასის“ პოლიტბიუროს ხელმძღვანელის, ისმაილ ჰანიეს მკვლელობის უკან ისრაელი დგას. ამის შესახებ რუსული მედია Times of Israel-ზე დაყრდნობით იუწყება.
„ჩვენ დავარტყამთ ჰუსიტების სტრატეგიულ ინფრასტრუქტურას და თავებს მოვკვეთთ მათ ლიდერებს. ისევე, როგორც ეს გავაკეთეთ ჰანიეს, სინვარისა და ნასრულას შემთხვევაში თეირანში, ღაზასა და ლიბანში – ჩვენ ამას გავაკეთებთ ჰოდეიდასა და სანაში“, – თქვა ისრაელ კაცმა.
შეგახსენებთ, რომ „ჰამასის“ პოლიტბიუროს ხელმძღვანელი მიმდინარე წლის ივლისის ბოლოს თეირანში მის რეზიდენციაზე მომხდარი თავდასხმისას მოკლეს, სადაც ის ირანის ახალი პრეზიდენტის ინაუგურაციაში მონაწილეობის მისაღებად ჩავიდა.
კომენტარები