უკრაინულმა უპილოტო საფრენმა აპარატებმა იერიში მიიტანეს როსტოვის ოლქის ქალაქ მილეროვოზე, სადაც სამხედრო აეროდრომი მდებარეობს. ამის შესახებ განაცხადება გუბერნატორის მოვალეობის შემსრულებელმა, იური სლიუსარმა და რუსეთის თავდაცვის სამინისტრომ გაავრცელეს.
გუბერნატორის ინფორმაციით, რუსულმა საჰაერო თავდაცვის ძალებმა მოახერხეს რვა უკრაინული დრონის ჩამოგდება მილეროვოს რაიონში 23 დეკემბრის საღამოს და კიდევ ოთხი უპილოტო საფრენი აპარატის – მილეროვოსა და ტარასოვსკის რაიონებში 24 დეკემბრის დილას. თავდაცვის სამინისტროში კი განაცხადეს, რომ 23 დეკემბრის საღამოდან როსტოვის ოლქის საჰაერო სივრცეში სულ 12 დრონი გაანადგურეს, ერთი კი, ვორონეჟის ოლქის თავზე.
თავდასხმის შედეგად არავინ დაშავებულა. ვორონეჟის ოლქის გუბერნატორმა, ალექსანდრე გუსევმა დაადასტურა თავდაცვის სამინისტროს მონაცემები ერთი ჩამოგდებული დრონის შესახებ და აღნიშნა, რომ წინასწარი მონაცემებით, დაშავებულები არ არიან.