თბილისის მერის განცხადებით, ყველა თაღლითს გაეცემა შესაბამისი პასუხი, ვინც არ უნდა იყოს, გინდ ქვეყნის შიგნით, გინდ ქვეყნის გარეთ, – განუცხადა ჟურნალისტებს თბილისის მერმა კახა კალაძემ საქართველოს მიერ ევროსაბჭოს საპარლამენტო ასამბლეის დატოვებასა და მიმდინარე მოვლენებთან დაკავშირებით დასმული კითხვის საპასუხოდ.
მერის თქმით, ყველა ხედავდა, როგორ ორგანიზებულად მიდიოდა შეტევა „ქართულ ოცნებაზე.
„ყველაფერი არის ძალიან მარტივად: ის ადამიანები რასაც ეტყვიან, რასაც უბრძანებენ, იმას აკეთებენ. შესაბამისად, ჩვენ ვხედავთ, როგორ ორგანიზებულად მიდიოდა შეტევა „ქართულ ოცნებაზე“, არჩევნების პერიოდში როგორ ერეოდნენ. ახლა თვითონ არ მოსწონთ, როდესაც სხვა ქვეყნის წარმომადგენლები აკეთებენ განცხადებებს მიმდინარე პოლიტიკურ პროცესებთან დაკავშირებით თავიანთ ქვეყანაში და გამოდიან შეწუხებულები, როგორ შეიძლება თურმე არჩევნებში ჩარევა. სამარცხვინოები არიან უბრალოდ, რადგან საარჩევნო კამპანიის დროს პირდაპირ გაჩაღებული კამპანია ჰქონდათ და ერეოდნენ. ეს არის უსამართლობა, რასაც ხედავს ქართველი ხალხი და ჩვენ ამას არ დავუშვებთ. ყველა თაღლითს გაეცემა შესაბამისი პასუხი, ვინც არ უნდა იყოს, გინდ ქვეყნის შიგნით, გინდ ქვეყნის გარეთ“, – განაცხადა კახა კალაძემ.