ოზურგეთში თოვლის საფარისგან გზების გაწმენდითი სამუშაოები შუაღამით დაიწყო და უწყვეტ რეჟიმში მიმდინარეობს, – აღნიშნულია ოზურგეთის მუნიციპალიტეტის მერიის მიერ გავრცელებულ ინფორმაციაში.
მათივე განცხადებით, ამ დროისთვის მთავარი და შიდა გზები იწმინდება შემდეგ სოფლებში: ვაკიჯვარი, ჯუმათი, სილაური, ნაგომარი, დვაბზუ, ცხემლისხიდი, შრომა, ნატანები, გურიანთა, მერია, ასკანა, მთისპირი, მაკვანეთი, ჭანიეთი, ლიხაური, ნასაკირალი, ბახვი. თოვლის წმენდის პროცესში ჩართულია 15 ერთეული ტექნიკა.
მობილიზებულია მერიის ყველა შესაბამისი სამსახური, გურიის საგანგებო სიტუაციების მართვის მთავარი სამმართველოს ჯგუფები და „ენერგო პრო ჯორჯიას“ თანამშრომლები.
კომენტარები